Parlamentario Endy Croes ta recorda pueblo riba echonan di Mike Eman y AVP cual ta keda graba den historia. Nos ta recorda con Mike Eman a core campaña na 2009 cu 2 cabay di campaña. Uno tabata cu lo “elimina” BBO manera cu e drenta y di dos tabata cu “from day one lo baha prijs di awa y coriente cu 45.5%”. Nos tin e grabacionnan aki di expresionnan haci na Canal 90 den su programanan di tur siman e tempo aya. Remarcabel ta cu aki si ta papia di kiezersbedrog.
Mike Eman a haya e BBO na 3% na 2009 ora el a drenta gobierno y na november 2017 el a entrega e Coalicion nobo un BBO na 3.5%. Pues mas halto di locual Mike a ricibi’e y no a cumpli cu su promesa fuerte di campaña di elimina BBO.
Cifranan di WEB no ta gaña
E di dos punto tabata cu segun Mike y AVP nan a studia e materia y nan tabata tin e formula pa baha prijs di awa y coriente from “day one” manera Mike mes a bisa cu 45.5%. Pues pueblo solamente mester vota pa AVP drenta gobierno pasobra nan tabata tin tur cos studia y sa con pa haci esaki. Parlamentario Endy Croes ta publica un tabel di WEB alrespecto prijs di coriente desde 2009 pa 2017. Na 2009 prijs di coriente tabata .2713 cen pa Kwh y na 2014 esaki a alcansa 0.3944 cen per Kwh. Na 2017 momento Mike a bay cas el a laga e prijs na 0.3681 cen per Kwh. Esaki ta 35.7 % mas halto cu Mike a hay’e for di MEP na 2009. Aki ta demostra atrobe cu Mike ta puro show, manipulacion ayuda pa su medianan di prensa cumpra pero 0 berdad y realidad.
17 miyon den proyecto di gas fracasa
Na 2014 sinembargo tabata perculiar. Aki WEB a inverti 17 MIYON florin di placa di pueblo den un proyecto di Ecogas pa un pipa di gas cual na final nunca e proyecto aki a mira luz di dia y te cu awe e debe aki ta outstanding na WEB. Consecuentemente WEB a bay den “rood” y nos ta corda con sindicato di WEB tabata expresa nan preocupacion enorme riba e tema aki. Mike de Meza hunto cu Mike Eman pa scapa WEB a core aumenta e prijs di coriente drasticamente entrante 1 di october 2014.
E pueblo humilde cu no por a carga ni absorba ningun gasto mas di un mal maneho sin igual di AVP, a sali bay protesta dilanti Bestuurskantoor. Lamentablemente Mike no tabata tin e curashi pa sali tuma e manifesto pero a duna opdracht na Riot Comando pa bati e pueblo ferozmente cu quincena, lastra hende muhernan riba caya na un manera abusivo sin igual. Esaki ta solamente un informacion pa pueblo keda corda di e manipulacion y gañamento di Mike kende a bay den historia cu su mal echonan. PROHIBI PA LUBIDA!