Shiribana – Diahuebs anochi den careda di 10’or pasa alarma a wordo bati na 911 pa un accidente di trafico serio altura di Rococo Plaza.
Mesora varios unidad di polis, ambulance y tambe brandweer a presenta na e sitio.
Na e sitio nos por a compronde cu e accidente a sosode momento cu e Chevrolet Celta blanco bayendo direccion Paradera a bay lora na su man robes, pa asina bay direccion Nuñe.
Aki ta unda e no a duna e auto RHD(marca di auto no ta conoci) preferencia y ta causa cu nan a dal lagando ambos ocupante di e RHD herida.
Brandweer su presencia tawata necesario debi cu mester a yuda saca un di e ocupantenan di e RHD.
Chauffeur(un muhe) di e Celta lo a core bay di e sitio, loke ta contra ley y polis a bin ta avisando esaki 1 dia prome.
Esta si bo hayabo envolvi den un accidente di trafico bo mester keda na e sitio y bay di eynan.
Caminda a wordo a cera ambos banda.
Dos ambulance a presenta pa transporta e dos personanan herida cu tawata den e RHD pa Hospital.
Polis di trafico tambe a presenta pa asina haci investigacion.