Green Corridor – Diahuebs merdia polis a bay cu urgencia ariba Green Corridor, e banda cu ta bay pa Oranjestad.
Un auto marca Hyundai color cora a bolter pariba di e Rotonde di Sero Tijshi.
Na yegada di patruya a mira cu ta trata di un accidente hopi serio y mesora a pidi pa ambulance y tamve Materiaalwagen, debi cu bou di e auto e chauffeur ta pega.
E auto Hyundai color cora tawata bahando di Rotonde ex Drive In y poco mas pariba di Rotonde Sero Tijshi e ta bolter.
Den e auto tawata tin tres ocupante, dos dama y un cabayero cu ta e chauffeur.
Un dama a wordo saca violentamente for di e auto y benta ariba caminda.
E otro dama a sali y tawata cana, pero ta herida tambe.
Den algun minuut, unidadnan di rescate tawata yegando mientras polis a cera caminda desviando trafico.
Por a mira Paramediconan trahando cu e dama cu a wordo saca y tawata benta ariba caminda.
Slachtofferhulp y tambe Specialistanan di trafico a wordo notifica.
Despues cu Bomberonan a logra saca e chauffeur cu tawata bou di e auto a cuminsa transporta tur herido.
Pa loke ta e situacion di e victimanan ta lo siguiente, e chauffeur su situacion ta Critico pero stabiel.
E dama cu a wordo saca for di r vehiculo su situacion ta hopi Critico.