Home Police Juancho deteni como sospechoso di menasa, destruccion y pa kima auto di...

Juancho deteni como sospechoso di menasa, destruccion y pa kima auto di su ruman

SHARE

Fiyostraat, Tarabana: Dialuna den oranan di marduga, presencia di polis a wordo pidi cu urgencia na un cas den Fiyostraat. Pa motibo cu un homber Juancho Vrolijk cu for di Diadomingo mainta ta cana busca problema y lo a bay asina leu di kima auto di su ruman.

Na yegada polis enberdad ta detene e sospechoso Juancho Vrolijk, pa motibo cu elo a pega un mondi na candela y asina un Suzuki Baleno na cas di su ruman na candela. Juancho a haya un problema cu su swa y aparentemente den su rabia a pega e auto di su swa na candela.

E swa a comenta cu “Juancho tabata deremate awe, di trempan e ta buscando problema, pero mi’n spera e ta bay cende nos auto na candela”.

Polis despues di a detene e sospechoso, a transport’e pa warda di polis, caminda elo mester a presenta dilanti un Fiscal Auxiliar cu mester dicidi riba su detencion y posibel encarcelacion pa menasa, destruccion y kimamento di auto di hende.

E caso ta bou investigacion y esaki lo mester saca afo kico por a sosode cu a pone Juancho yega na e extremo aki di kima e auto di su swa.