Diasabra den careda di 7’or di anochi, vocero policial a informa cu a detene un homber di inicial G.H., pa ladronicia di chasisnan di container. Tur esaki tin di haber cu un investigacion cu ta andando over di e ladronicia di chasisnan di container.
Referente e dos articulonan cu Arubanative.com a publica, Dialuna nos a publica e prome articulo den cual a detene e doño di Easy Cargo pa supuesto ladronicia di chasis di container, esaki despues cu doño di Fast Delivery a entrega un keho. E doño di Easy Cargo tabata tin suficiengte prueba por escrito cu e chasis ta di dje y cu e no hort’e, mesora ela wordo laga den libertad.
Dos dia despues Easy Cargo a duna su banda di medaya, culpando Fast Delivery di ta horta chasis di container.
Relaciona cu e investigacionnan andando, recherchenan di districto di Oranjestad, Diasabra den careda di 7’or di anochi a detene e persona G.H. kende aparentemente ta e propietario di Fast Delivery.