Pedro Gallegostraat – Diamars mainta algo prome cu 10’or alarma di candela a drenta na 911 cu mesora a saca un unidad di Brandweer.
Tawata diamars mainta 10’or cu alguna persona a mira huma saliendo di un apartamento otro banda di caminda unda e edificio di Rode Kruis ta situa.
Esaki tawata motibo pa bati alarma mesora.
Brandweer tawata e prome na e sitio, unda cu bomberonan a bay parti ariba di e edificio. Eynan a drenta den un camber unda e huma tawata sali.
Por a mira con bomberonan a kibra glas di bentana pa e huma por sali y asina tin miho visibilidad.
Despues di a combati loke tawata na candela, dos bombero a saca un Frishider pone ariba e balcon.
E Frishider por bisa a kima casi completamente. Parti abou unda e motor tawata probablemente lo por ta e causa di e candela.
Polisnan a cera ambos banda di caya pa trafico y pa bomberonan por haci nan trabou mas facil.
Doñonan di e edificio tambe a yega pa asina tuma nota di kiko tur tawata pasando.
No tawata tin ningun hende herida, pero mas tanto daño material cu ta hopi.