70
Kuerpo Polisial ta refutá e informashon eróneo ku a keda publiká den algun korant pero tambe riba retnan sosial, ku tabatin detenshon di un polis femenino, den kuadro di e investigashon di sendementu di ofisina di impuesto na kandela algun luna pasá. Mester indiká si, ku un agente polisial a wòrdu interogá komo testigu den e kaso aki. Den e kaso aki tin ya algun detenshon ku a keda realisá i no ta ekskluí posibilidat di mas detenshon, ya ku e kaso ta ketu bai den investigashon. Pero polis ta reiterá ku ningun momentu tabatin detenshon di un agente polisial den e kaso aki.