ORANJESTAD, Aruba – Aruba Bank a organisa nan prome “Aruba Bank Summit 2019” den Renaissance Convention Center, como parti di e strategia di banco #WeBuild pero tambe e “People Strategy”. Aruba Bank tin e cultura di confiansa y mehoracion continuo como parti di e strategia.
E oradornan invita tabata e futurista Stefan Hyttfors, Global Speaker and Autor, Ryan R. Peterson, Manager di e division di Economic Policy & Financial Stability na Banco Central y Nathaly Cabrera, Certified Life Coach and trainer, director di Dynamis BV. Durante “break-out sessions”, tres (3) empleado di Aruba Bank: Marlon Kock (Sr. Project Engineer / Analyst), Edgar Croes (Sr. Project Manager) y Nigel Wix (IT Architect) a elabora poco mas ariba con un banco moderno lo funciona, kiko empleado por haci pa prepara pa esaki y ki direccion Aruba Bank lo mester tuma pa funciona den e mundo futuristico cu ta existi caba.
Empleadonan di e banco y Orco Bank Curacao, Sint Maarten y Bonaire a forma parti di e evento aki tocante desaroyo educacional di ambos organisacion cu enfoke ariba agilidad, innovación y capacidad personal pa maneha cambio.
Oradornan local como internacional a splica cu e futuro ta aki y e di cuatro (4) revolucion industrial ta yegando. E automatisacion y digitalisacion practicamente a bira nos bida. Medionan social, comercio electronico y inteligencia artificial a penetra nos trabou. Drones ta entrega pizza, autonan ta core nan mes y hopi mas. E industria di banco ta cambiando di transaccion pa experencia y esey ta e rason pa provee un Experencia Superior ta esencial pa keda “on top” di competencianan.
Compronde e importancia di tecnologia y innovacion ta e forma di opera. Realisacion cu e banconan tambe ta sigi desaroya y mester adapta na cambio. Nos mester ta prepara pa e cambionan aki y adapta lihe, y ta flexibel pa siña y transforma.
Aruba Bank ta contento di un evento exitoso cu participantenan di tur empleado na un manera hopi interactivo y ameno durante di e mainta.