54
Kontinuando ku un investigashon relashoná ku un kaso di atrako ku a tuma lugá dia 19 di òktober 2019 na un kantor di number riba Piscaderaweg, polis a detené un sospechoso mas. Djaluna 21 di òktober 2019, alrededor di 16.43’or di atardi, riba òrdu di Ministerio Públiko Tim di Atrako huntu ku Tim di Aresto a detené e hòmber E.R.I.E., nasé na Kòrsou di 21 aña di edat. Despues di su detenshon na su kas na Jandoret a tene un entrada hudisial i a konfiská algun artíkulo ku ta di importansia pa e investigashon. A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.