Auto sin papelnan ordo a wordo hiba warda di polis despues di boksmento

Weststraat – Diaranson anochi a sosode un boksmento na e salida di bus patras di Royal Plaza. No tawata trata di nada serio of cu hopi daño material.

E autonan envolvi ta un Toyota suv y un Isuzu pick up. Pa un of otro motibo chauffeur di e Toyota no a regula su velocidad y ta mishi cu e pick up.

Polis di trafico ta wordo acudi na un sitio di boksmento si papelnan no ta na ordo. Den e caso aki chauffeur di e Toyota no por a mustra e agente documentonan valido di e auto.

Esaki tawata e motibo cu polis di trafico a solicita pa un Takelwagen pa bay cu e auto.

Ora e doño presenta cu tur papel di e auto e por haya esaki bek.