Investigacionnan ta indica cu educacion sexual por tin diferente beneficio. Educacion sexual ta siña nos muchanan tocante nan curpa y con pa proteha nan mes, asina nos muchanan ta bira mas resistente. Educacion sexual ta un proceso cu lo cambia mientras un mucha ta bay creciendo, pasobra como mayor bo lo mester keda adapta informacion cu ta pas cu e desaroyo y edad di e mucha.
Den luna di october Fundacion Respeta Mi ta bay cuminsa brinda workshop di educacion sexual na mayornan di kleuters. E workshop lo consisti di tres sesion cu lo tuma luga dia 8, 15 y 22 di october proximo. E workshop aki lo brinda mayor cu informacion tocante eduacion sexual y desaroyo sexual di un kleuter. E meta principal di e workshop aki ta pa brinda mayornan cu tips, pero especialmente tools pa por aplica educacion sexual cerca nan yiu.
E costo di participacion ta AWG. 50,- y esaki ta inclui tur tres sesion di e workshop interactivo. Alabes participantenan lo ta e prome den ricibi e pakete di shete info graphics di educacion sexual. E pakete di educacion sexual ta un herment nobo cu Fundacion Respeta Mi a desaroya hunto cu su youth volunteers den cuadro di proyecto Pitch Time 2019. E proyecto aki a wordo patrocina pa WEB Aruba N.V.
Si abo ta desea di forma parti di e workshop aki por haci registracion cerca Fundacion Respeta Mi na Dominicanessenstraat 12 of yama nos na 582-4433.