Barcadera – Dialuna merdia pa mas o menos 3’or polis y tambe ambulance a wordo notifica di un accdinte serio dilanti DTI na Barcadera.
E prome informacion a papia di accidente frontal entre un Kia Rio y un Truck di Atco.
Segun nos a compronde e dama na stuur di e Kia Rio tawata bayendo direccion Barcadera y yegando DTI ela bay lora na su man robes.
Posiblemente e no a pone atencion ariba e un Truck di e compania Atco tawata pasando.
Esaki a causa cu e Truck a dal contra e Kia y lastre.
Tire di Truck lo a pega na e Kia Rio durante e impacto y esaki a causa cu ela lastra e Kia pa algun meter.
Den e Kia tawata un dama cu un mucha.
Varios unidad di ambulance a presenta na e sitio pa trata cu heridonan.
Na final danki Dios no tawata tin hende herida. Mas tanto nan a pasa den un susto enorme.