Oranjestad: Diamars ultimo, e Centro di Rescate y Coordinacion di Warda Costa(RCC) den oranan di anochi a detecta un boto biniendo di pazuid direccion di Aruba, mirando e direccion cu e tabata biniendo y alabes den e circumstancia den cual e barco tabata nabegando tabata lanta sospecha, mesora Warda Costa a saca su Metal Shark y a mande bay direcion di e barco aki pa haci un control.
Na yegada esnan abordo di e Metal Shark di Warda Costa a topa cu e barco yama Huracan, mesora e Metal Shark a guia e barco aki pa e por a mara na waf. Durante control abordo a sali na cla cu e kapitan tabata tin papelnan fasifica di uitklaring for di Colombia. E capitan a bin Aruba pa trece pisca, abordo oficialnan di Warda Costa a topa cu un cantidad grandi di pisca probablemente pa e mercado di local, pero durante control di e departamento di Salubridad full e cargacion imenso aki di pisca a wordo afgekeurd, pa motibo cu nan no tabata wordo bon fria y tabata tin pisca cu te hasta a cuminsa putri caba.
Pa e motibonan aki autoridad a nenga e capitan di Huracan entrada na nos isla y a pidie pa bandona Aruba. Durante cu e tabata bayendo bek direccion zuid, e tabata wordo sigui riba e radar di Kustwacht, na dado momento e Centro di Rescate y Coordinacion a mira cu e boto a bolbe bira y tabata biniendo bek direccion di Aruba. E capitan a meld cu ela haya problema cu e motor y no por sigui nabega. Un biaha mas autoridad a dune permiso, unicamente pa bin bek Aruba pa e drecha e motor di su barco, manera ela caba di drecha e motor e mester a bandona nos isla cual ela haci tambe, via Radar di e Centro di Rescate y Coordinacion nan a sigui te ora enberdad ela sali for di Awa teritorial di Aruba.