Home » Dos homber lo a maltrata un dama na Bushiri

Dos homber lo a maltrata un dama na Bushiri

by Admin
0 comment 19 views

Bushiri – Diaranson den oranan di mainta polis a wordo pidi cu urgencia na un cas situa na Bushiri, eynan un maltrato tawata tumando luga.

Segun nos a compronde un of mas hende homber lo tawata maltratando un dama.

Na yegada di polis ainda e situacion tawata andando, por a scucha gritamento bay bin.

Polis a manda un di e partidonan paden di e cas, pa asina baha tension. Lo tawata trata di un problema di un dama cu ta biba na e cas cu su guy, e otro homber lo ta padrastro di e guy.

Aparentemente e dama lo tawata kier su pertenencianan, locual ta su cellular y paña.

Pero, e su guy of awor ex guy y e padrastro no tawata kier a lage drenta.

Ruman di e dama tambe a presenta y a bisa cu lo no ta prome biaha cu e guy ta maltrata su ruman muhe.

Polis a bay paden y a tuma datos di tanto e Padrastro y e guy, niun persona a wordo deteni.

Pa loke ta e dama elo a keda di bay Recherche pa haci un aangifte.

 

You may also like

Our Company

Aruba Native News & Trends.Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio