Accidente ariba Caya Boes Orman a laga un persona herida atras

Caya Boes Orman/ Fordstraat – Diasabra atardi pa mas o menos 6’or un accidente a sosode ariba e crusada di Caya Boes Orman cu Fordstraat.

Tawata trata di un caso di no dunamento di preferencia. Autonan envolvi ta un Kia Picanto y un Nissan Skyline.

Ocupante di e Kia Picanto a resulta herida momento cu e Airbag a bula. Esaki a causa cu e persona tawata tin dolor basta dolor na pecho, y tambe por a mira cu ela sufri un golpi na cabes.

Polis y ambulance a presenta na e sitio. Paramediconan mesora a bay atende e ocupante di e KIA.

Pa loke ta ocupantenan di e Nissan Skyline nan tawata bastante altera y lo tawata grita ariba caya palabranan di insulto den direccion di e Kia Picanto.

Paramediconan a transporta ocupante di e Kia Picanto pa Hospital.