PALM BEACH, ARUBA – July 2019 –Riba diabierna, 9 di augustus y diasabra, 10 di augustus, lo ta tumando lugar na Aruba Marriott Resort & Stellaris Casino, un evento “Michelin star” exclusivo cu dos di Massimo Bottura su top chefnan; Taka Kondo y su casa Karime López.
Chef Taka Kondo ta sous chef di Massimo Bottura na Bottura su “three Michelin star” restaurant cu jama Osteria Francescana na Modena, Italia, cual a wordo nombra e #1 restaurant na mundo na 2018 pa S.Pellegrino and Acqua Panna. E la nace na Tokyo y e la enamora di Osteria Francescana durante su bishita na e restaurant na 2015, a cambio, e chef famoso Massimo Bottura a dune un trabou. Taka Kondo a traha como pastry chef na 2010, despues na 2015 e la wordo promovi pa Sous Chef y a contribui na algun di e restaurant su platonan mas inventivo, manera esun cu jama “Oops, I dropped the lemon tart”.
Chef Karime López ta head chef di Massimo Bottura na Gucci Osteria situa na Florence, Italia, y a wordo honra recientemente pa S.Pellegrino and Acqua Panna como e “Best Chef” di e “Identity Golose Guide 2019”. E la nace na Mexico y a wordo introduci na e mundo culinario di jong pa famianan di su tata cu tin restaurantnan na Mexico. Karime López a traha na varios restaurant renombra rond di mundo manera Can Fabes, Mugaritz, Pujol, RyuGin y Central.
Bishitantenan y e comunidad di Aruba lo tin un experencia culinario inolvidabel ora cu Chef Taka Kondo y su casa Chef Karime López presenta nan “Author’s Cuisine” durante e evento di dos anochi exclusivo na La Vista. Reserva bo lugar awe mes pa asina bo disfruta di platonan inovativo combina cu sabornan unico. Bishita e event page “Master Series at La Vista” riba Facebook of bishita Aruba Marriott su Facebook page pa reserva of pa mas informacion.
Un tiki mas di Aruba Marriott Resort & Stellaris Casino:
Aruba Marriott Resort & Stellaris Casino ta situa na Palm Beach y ta consisti di 414 camber cu balcon priva cu bista pa e pool relajante y tambe pa e awa nan blauw di lama. Huespednan cu ta desea exclusividad por has reservacion na e Tradewinds Club, un boutique hotel di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfurta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.