Santo Patia, K.I.A.- Droga y mas articulonan ilicito ta keda drenta na nos Korrectie Instituut Aruba, esaki di un manera of otro.
Riba un comienso di fin di siman, mas o menos dos pa 3 siman pasa, guardianan atento di KIA ta haya un sorpresa, nan ta bin topa cu dos saco di plastic cu originalmente ta wordo usa pa yena ijs, no cu ijs pero carga cu droga.
Esaki a sosode mainta tempran ariba e tereno di e Instituto Coreccional di Aruba. Despues di a topa cu e dos saconan aki cu droga, den un cel di e afdeling Jeugd, guardianan a bin topa cu varios cellular, ta wordo calcula mas o menos den careda di 10 cellular.
No ta conoci con e saconan y e cellularnan aki a yega ariba e tereno di KIA, pero tur a wordo confisca. Esaki sigur ta un perdida grandi pa e malechornan cu ta trata di hinka of tira droga
y cellular riba e tereno di KIA.