Home » Casonan di maltrato severo na KIA, cometi pa asesinonan y violadornan cera na KIA

Casonan di maltrato severo na KIA, cometi pa asesinonan y violadornan cera na KIA

by Admin
0 comment 72 views

Nombernan di algun asesino y violador ta coriendo rond pa casonan serio di maltrato den KIA.

Santo Papia – Recientemente algun preso cera na KIA pa casonan di asesinato y violacion, por poco nan a mata otro preso.

Tur ta relaciona cu un of mas caso di maltrato den KIA mes, ta ser papia di maltratonan bastante severo.

E prome caso di maltrato severo
Mas o menos entre fin di April pa memey di Mei:
E homber P. Merveille(36) a wordo maltrata door di otro dos detenido, na momento cu ela caba di yega K.I.A.
E homber Merveille ta wordo acusa di a viola un menor (12), algun siman atras, na Hooiberg.

Chalgut y Pozo
Rumornan cu a circula of ta circulando entre e detenidonan, cu tin un suma halto di placa riba cabes di Merveille colga, y sigur no ta descarta e posibiliad cu e maltrato severo aki cometi contra P.Merveille lo por tin di haber cu e suma halto di placa cu tin colga riba su cabes.
Nombernan cu a wordo menciona den e caso di maltrato severo di Merveille, ta e conocido Chalgut (Caso De Vuyst) y un tal Pozo(violador), cu lo a comete e maltrato aki y aparentemente cu un intencion di por a kita su bida.

Chalgut ta cera pa violacion y asesinato hopi cruel di un dama hoben na De Vuyst. Pozo tambe ta cera pa un caso of mas caso di violacion.

Yellow, Maduro y Gabriel Martin
E segundo caso ta algo un poco mas recien.
E biaha aki ta trata di tres asesino, cu problema mental, nan a maltrata severamente un preso di fam T y por poco a hinke mata. Danki na e intervencion lihe di e guardianan atento na KIA, a evita cu e preso di Fam T lo por a wordo hinca fatalmente. E preso di fam T. a keda seriamente herida y cu urgencia a pidi pa presencia di ambulance, mirando su heridanan, ela wordo transporta mesora pa Hospital.

Esnan envolvi den e maltrato severo aki, cometi riba e adicto di fam T. tabata e conocido Yellow (Caso Molen), Maduro(Caso Harmond) y Gabriel Martin(Asesino di e dos criaturanan Rishandroh y Eugene).
Segun nos a compronde cu nan motibo lo tawata cu e victima lo tawata strobanan di drumi, door cu e tawata keda papia y haci desordo.

Despues di e incidente autoridad mesora a move Yellow for di KIA, mientras cu autoridad tawata investigando, Yellow a wordo cera na warda di Noord. Despues cu a caba cu e investigacion a translad’e bek pa KIA.

Presonan kier implementa nan propio leynan den e afdeling cu nan ta cera, maltratando otro preso
Na KIA e presonan nan mes ta traha nan supuesto “leynan” y ta trata na implementa esaki tambe y cu man duro ora nan ta haya necesario anto cu maltratonan severo.
E asesinonan aki a haya caba of tin basta aña colga riba nan cabes y aparentemente nan no lo ta precupa pa haya un poco mas castigo of algun dia den cashot, pa desgracia otro.

Asesinonan cu problema mental tur ta riba e mesun afdeling y violadornan tur ta hunto riba un afdeling
E cruel asesino Gabriel Martin, ta haci mane e ta loco pero segun otro presonan e ta bon na tino, e sa bon kiko e ta haciendo. Tur e presonan asesino cu ta mentalmente enfermo, ta wordo cera riba e mesun afdeling. Pesey Yellow, Maduro y Martin ta cera riba e mesun afdeling, aparentemente nan lo no ta bon mentalmente.

Mescos cu Chalgut ta un cruel violador, Pozo tambe ta un violador y P Merveille tambe ta un cruel violador tur tabata cera hunto riba e mesun afdeling di violador.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio