66
Koyari – Diadomingo merdia pa mas o menos 12:30 p.m a sosode un accidente serio arina e caminda di Koyari.
Na e sitio a pidi pa ambulance, debi cu tin un persona herida.
E accidente a sosode momento cu algun amigo tawata subiendo caminda na Koyari cu nan boto ariba trailer, parse nan lo tawata bayendo un Boatfest organisa ariba diadomingo.
Mucho leu nan no a yega, debi cu un Nissan Sentra a dal contra e trailer cu e boto ariba.
Door di e impacto duro e boto a kita for di e trailer y keda parcialmente benta ariba caminda.
Chauffeur di e Nissan lo a haya un kap y mester a wordo atendi door di Paramediconan.
Daño material ta considerabel.