Palm Beach – Diasabra anochi den careda di 11’or un boksmento a sosode na e crusada conoci di Palm Beach.
Ya pa algun dia caba e luznan di trafico a cuminsa traha fayo, un rato nan ta traha bon y poco rato despues nan ta ariba e luznan oraño cu ta keda cende paga.
Diasabra anochi un dama chauffeur di e auto Daihatsu shinishi a bisa polis cu e no a mira e Mercedes Benz.
E Mercedes Benz bayendo nort a wordo gedal den banda door di e auto shinishi.
Ambos porta di e Mercedes banda di chauffeur no tawata habri, y e chauffeur mester a sali for di banda di pasahero.
Pa loke ta auto di e dama, esaki tambe a sufri daño grandi dilanti.
Polis na yegada a controla ambos vehiculo nan documentonan y tur cos tawata na ordo.
E chauffeurnan a keda warda ariba seguro. Ambos lo mester a wordo kita di caminda cu takelwagen, mirando cu nan no por a move mas ariba nan propio forsa.
Por spera mas accidente ariba e crusada, door cu e luznan di trafico a daña atrobe.
Ta tempo pa Gobierno pensa un solucion duradero, prome cu algo fatal pasa eynan.