Sero Tijshi – Green Corridor Diaranson anochi varios yamada tawata wordo haci na autoridad ariba un discusion y pelea formal andando ariba Sero Tijshi.
Esnan pasando por a scucha gritamento y palabranan sushi ta skeiro.
Fuera di esey lo tawata tin agresion.
Exactamente kiko a conduci na e desordo aki ta solamente e protagonistanan sa.
Tawata diaranson anochi, ora cu ariba Green Corridor por a mira algun auto para, y discusion formal entre muhe y homber.
A resulta cu tawata trata di un problema di pareha y despues ruman tambe a cay aden, haciendo e incidente pio. Algun persona pasando eybanda te hasta lo a stop pa trata na yuda.
Ariba e video por mira unda e Toyota Yaris a ranca bay y e dama den short a bay tene na e porta, y ta wordo lastra y ta cay ariba caminda. Un rato prome elo a wordo choca.
Si tawata tin trafico biniendo lo por a bira algo tragico.
E dama ta lanta for di caminda y ta bay unda e resto di discusion tawata andando. Un homber ta coy un piedra y kier agredi un otro dama.
Algun minuut despues polis ta yega, pero ya e esnan cu tawata envolvi den e problema a bay.
Solamente e dama cu a tene na auto a keda.
Despues cu polis a caba di scucha su storia nan a detene, posiblemente door cu e tawata bou influencia.