Auto ta dal conocido cantante Tommy De Cuba, ela keda levemente herida

Oranjestad: Diamars den careda di 7’or y mey di anochi, ta sosode un accidente na e crusada Professor Lorentzstraat cu Emmastraat, auto a alcansa un persona mesora a manda polis y ambulance na e sitio.

Na yegada di ambulance nan ta bin topa cu e conocido cantante local Tommy De Cuba riba vloer y tabata herida. E paramediconan mesora ta cuminsa atende cune y ta logra lante y pone para.

Tommy ta un persona cu tin problema serio cu bista y semper ta cana bay tur caminda cu su garoti blanco y semper automobilistanan ta para y dune chens pa crusa caya.

E biaha aki pa un of otro motibo e chauffeur di e Hyundai preto cu tabata biniendo di pariba no a ripara cu Tommy tabata crusando caminda y a dal ‘e.