Oranjestad – Venezuela
Video cu menasa serio a circulando.
E video aki cu a sali di Venezuela ta mustra un malandro manera nan ta wordo yama na e Pais cu un arma di candela straño.
Manera e video ta cuminsa graba e homber ta menciona Sra Trudy Hassel su nomber, Hefe di Guarda Nos Costa.
Nos a scucha e video y e loke e malandro/sicario kiermen segun informacionnan cu e lo tin, ta cu Sra Trudy lo ta trata Venezolanonan malo ora nan cay cera.
No ta un secreto cu aki na Aruba tin masha hopi Venezolano cu e status di ilegal, o sea nan dianan a pasa y nan no a sali mas.
Segun e malandro, esa tur cos di Sra Hassel y segun su persona ta den un rato e ta yega e isla.
Ela saca un arma grandi improvisa, esta algo cu nan mes lo a traha y papia kiko elo haci cune si Trudy sigui trata su hendenan malo(posiblemente famianan) aki na Aruba.
Loke ta pasando aki esta e menasa, no a of ta sorpresa nos. Noticianan cu personanan indocumenta ta wordo gara y deporta tur ta yega Venezuela, y no lo ta cay den bon tera. Arubianonan tambe mester tene cuenta si un dia nan biaha bek pa Venezuela.
Tin hende cu berdad ta sali di e Pais pa un miho biba, pero entrenan tambe tin delincuentenan ta yega.
Siguridad Nacional lo tin e tarea di wak kiko tur tin di berdad y tambe kiko ta e siguiente pasonan.
Na mes un momento tin rumornan cu Sra Hassel posiblemente lo no keda Aruba y ta pensa di bay den exterior. Pues asina e rumor ta circula.