Accidente durante trabou na sitio di construccion, trahado ta cay for di segundo piso heridando su mes seriamente

L.G. SMITH BLVD – Diaranson mainta polis y ambulance a bay e edificio halto tegenover di Juliana School. Lo ta trata di condominionan luhuso den construccion.

Eynan un trahado a cay for di e di dos piso pa e prome piso. E trahado lo tawata ta bezig moviendo algun muebles y di un of otro manera ela cay.

E haltura tawata di mas o menos 3 meter. Ela haya un sla serio na cabes cu a causa un kap, y tambe e tawata keha di dolor na lomba.

Paramediconan a yega y a stabilisa e traha pa por a sali cune direccion Hospital.

Polisnan na e sitio a tuma tur datos, no ta conoci si lo pasa esaki pa departamento di DTI.