Dama sin luga di keda a pidi asistencia di polis na Barcadera

Barcadera – Dialuna mainta hopi trempan polis a bay asisti un dama cu tawata na e Ranchonan di Barcadera.

Na nan yegada nan a papia cu e dama, y esaki a contanan di un problema social cu elo tin.

E persona aki lo a bandona su cas y a pensa cu e lo por keda cerca un amigo di dje, cu ta biba na un rancho eynan na Barcadera.
Lamentablemente eynan tampoco cos a bay bon.

Y ta pa e motibo ey ela pidi asistencia di polis, pa mira con nan lo por yude.

Agentenan a lage subi den patruya y a bay direccion Warda di Polis, unda por papia mas trankil y mira kiko por haci pa yude.