Parlamentario Alan Howell ta expresa su satisfaccion pa cu yegada di helicopeter pa polis, despues cu pa hopi aña a sinti su falta pa yuda den prevencion y solucion di criminalidad.
El a indica cu den Parlamento Fraccion di POR a para duro cu nos pais mester di e helicopter policial bek y mas lihe cu ta posibel. Teniendo na cuenta e posicion aki Fraccion di POR a aproba e fondonan den Parlamento pa bin cu e helicopter bek riba nos isla y tambe a sostene Minister di Husticia Andin Bikker.
Comentando riba su experiencia personal, Howell a bisa cu “como recherche e helicopter a sa di yuda ami y hopi colega den pasado pa soluciona casonan por ehempel di atraco, joyriding, droga y dimes entradanan ilegal via nos costanan”. Tambe el a indica cu pa Cupero Policial, Douane, Warda Costa y KIA en genaral tambe dimes e helicopter ta un bon y gran ayudo.
Finalisando parlamentario di POR a bisa “Cu Dios su poder e helicopter cumpli cu e meta pa cual e la wordo busca, cual ta combati criminalidad y mantene nos pais mas sigur cu ta posibel. Good job Minister di Husticia”.