Parlamentario Endy Croes ta puntra hasta cuando Mike Eman lo sigui gaña y manipula e pueblo aki. Desde cu el a drenta gobernacion na 2017 a cuminsa sali na cla cu pruebanan den man e manipulacion di Mike Eman. Mike Eman a drenta su cueba y a sconde pa pueblo pero rato rato ora tin cualkier consternacion y e ta wak manera un “vos” cualkier oportunidad pa purba score of den su mente kisas lanta e pueblo, Mike Eman ta core stofia su bachi den cashi y purba bin bek cu su politica di antaño, esta e politica di manipula y gaña creando un pantaya cu no ta existi.
Pueblo mes ta corda con Mike Eman a grita manera un alma perdi den eleccion na 2009 cu Mike Eman y AVP lo “ELIMINA BBO”. Mike Eman a haya e BBO na 3% (2009) y a entrega esaki na november 2017 na 3.5%. Conlusion di Elimina BBO Mike Eman “himself” a aumenta esaki pa 3.5%.
Gobierno nobo a encontra un crisis cu proyectonan PPP firma pa gobierno di Mike Eman sin cu nunca a planea con ta bay paga esakinan. Aruba mester paga pa 20 aña largo 80.9 MIYON pa aña pa e proyectonan aki. Aruba a paga 219 MIYON solamente na interes riba placanan cu AVP a presta. Un Debe nacional cu a wordo redobla. Pues asina tin un cantidad di factor cu a causa cu mester a aumenta e BBO cu 2.5% pa cubri gasto y debenan ocasiona pa Mike Eman.
Ora Mike Eman gaña abo pueblo cu a redobla BBO splik’e na un manera humilde cu el a laga esaki na 3.5% y e gobierno nobo a aumenta esaki cu 2.5% y esaki no ta significa cu a redobla locual el a laga atras. Mike Eman a grita cu e ta orguyoso di e debe y e debe t’ey pa nos tur bay pag’e den futuro. Bou maneho di Mike Eman y AVP corupcion tabata na ordo di dia y nos por tuma nota di un sentencia di un ex minister di AVP y cu pronto “TERENO GATE” di Benny Sevinger y Leoncita lo bin dilanti. Pues ni cuanto Mike Eman gaña, e berdad semper lo persigui’e. Mike Eman y AVP nunca pero nunca mas por bin na poder pa masacra e pais aki un biaha mas.