San Nicolas – Diamars mainta esnan cu ta atende cu Paulus School a haya un sorpresa no mucho agradabel. Esaki tawata momento cu e werkster a bay habri e awa, pa asina cumina labora.
No tawata tin awa.
Algun rato despues, despues cu a pensa cu e Hoofdkraan lo a wordo cera, a bin ripara cu ladronnan a bay cu varios meter di tubo di awa.
Esaki a causa un problema mesora, mirando cu e muchanan henter e dia no lo por bay usa e baño.
Tur hende sa cu mucha ta bay baño hopi, y esaki a causa cu e Hoofd di e skol mester a cera e skol. Esaki den consulta cu SKOA, despues di a splike kiko a pasa.
Tur mucha mester a bay cas bek.
Polis a wordo notifica door di e Cabesante Sr Arends.
Basa ariba e informacion cu Skoa a ricibi di Sr Arends, nan a contact Inspectie.
Inspectie na su turno a tuma contacto cu DOW, pa mira con lihe nan por fix e situacion.
Pa diamars, nan lo no a keda cla, kizas den oranan di atardi.
Esey tawata e motibo principal cu mester a manda e muchanan cas.
Paulus School tin un sistema di Camera di Siguridad, y nan lo tin algo imagen di hora y dia cu e persona lo por a haci e acto di ladronicia aki.
E imagennan a wordo entrega na autoridad segun nos a compronde.
Pa diaranson si tur a bay manera ta planea, skol lo ta habri bek.