Un mayor basta rabia ta pidi asistencia di polis na scol, pa motibo cu un dia prome un maestro di scol a kita un cellular for di su yiu, aparentemente e mucha tabata riba su cellular den klas, durante les.
Den e reglanan di Maria College MAVO ta para bon cla, cu niun mucha no mag di ta riba nan cellular durante les, sin autorisacion di e maestronan.
Oranjestad: Diabierna mainta, mama di un alumno di Maria College Mavo ta presenta na scol, e tabata basta rabia y ta pidi pa asistencia di polis paso scol no kier debolbe e cellular di su yiu di 14 aña. Un dia prome un maestro lo a haye riba su cellular den klas, durante les. E mama no a keda contento cu scol a kita e cellular for di e mucha y pa e motibo ey ela bay scol pa mira si e lo por logra haya e cellular di su yiu bek for di e cabesante di scol.
Despues cu scol a mustra Polis y e mama e reglanan, polis a mustra e mama su derecho y derecho di e scol. Segun scol e mama por bay SKOA puntranan si su yiu por haya su cellular bek.
E cabesante di scol a mantene su mes estrictamente na e regla di scol. No a keda e mama nada otro di bandona e tereno di scol sin e cellular.
Scol ta traha regla, pa tur alumno mantene nan mes na dje y si kibra e regla pa e alumno aki, por wel di kita tur regla y haci e scol un free for all.
E regla di cellular a wordo implenta basta aña pasa. Tur scol tin regla cu alumnonan mester mantene nan mes na dje y tur alumno na comienso di nan prome aña escolar na Maria College ta haya e reglanan aki cu nan mester mantene nan mes na dje, e mayornan tin cu firma esaki.
Segun nos a compronde cu e reglanan aki ta wordo controla pa un hurista y ta conta cu aprobacion di SKOA. No ta regla cu scol ta djes implementa pa loco.
Con fastioso cu e por zona pero e mayor aki a firma y asina a bay di acuerdo cu e regla di scol di su yiu. Enberdad awendia cellular ta algo necesario pa nos yiunan tin den nan poder, pa nan seguridad y pa mayor sa unda nan yuinan ta, un situacion hopi fastioso pa e mama y e yiu, un siman sin cellular.
Cellularnan den klas ta stroba les y ta pone cu e alumnonan no ta pone bon atencion na momento cu un maestro ta duna les y ta splica di un of otro les.
Pesey Maria College a pone e regla aki cu si un maestro haya un alumno riba su cellular durante les, nan ta kita e cellular for di e mucha y scol ta keda un siman cune. Esaki ta pa diciplina e alumnonan cu durante les cellular ta keda den tas y den pauze of den ora liber por haci uso di dje.
Maria College ta un scol cu tin WIFI, cu tur alumno por haci uso gratis di dje, hasta sa tin excepcion cu durante cierto lesnan cu mester haci uso di internet, e maestronan ta duna e alumnonan permiso pa haci uso di nan cellular pa busca algo relaciona cu les. E alumnonan por usa nan cellular den klas e ora ey, cu permiso di nan maestro.
Pero loke a pasa cu e alumno tabata durante les y esaki si ta estrictamente prohibi. Ban spera cu e alumno aki y tur otro alumno di Maria College of cualke otro scol siña nan les, cu no por siña y ta ariba cellular na e mesun momento, paso e muchanan ta bay pone mas atencion riba e cellular, enbes di pone atencion na lesnan.