Arashi – Diabierna atardi alarma a wordo bati pa un Mitsubishi Pajero cu a bolter ariba e caminda di Arashi pa Lighthouse, y den e auto tawata tin un dama pega.
Mesora tur unidad di rescate a sali pa sitio.
Na yegada di polis enberdad nan a constata un auto gebolter, y den dje un dama wanta ainda na su seatbelt pero su pianan si tawata mustra mal pega.
E dama tawata bira desespera, debi na e manera cu ela keda pega y cada minuut cu tawata pasa ta mustra un enternidad.
Esnan presente tawata papia cune y trata na calme.
Na e sitio nos a compronde cu e dama aki tawata bayendo su trabou, y dado momento ariba e caminda pabou di Lighthouse ela perde control y bolter. Dua e tawata bayendo direccion Nort.
Unidad di brandweer tambe tawata na caminda, pero asina mes polisnan a drenta den accion pa yuda e dama cu tawata bisa cu e no por mas.
Dos agente a drenta den e auto y a logra los e dama di e posicion sumamente fastioso cu e tawata aden.
Di e manera aki polis a logra sake di e auto y pone drumi na banda di e auto wardando Ambulance. Brandweer a yega y a kita cabes di e bateria pa evita cualkier corto circuito.
Na yegada di Ambulance Paramediconan mesora a cuminsa atende e dama, y despues sali cune pa Hospital.
Brandweer y polis a logra bolter e auto bek ariba su wielnan. Casa di e victima a keda di regel takelwagen.