Prome reunion di organisacion ASIS tabata exitoso
ORANJESTAD, Aruba: Aruba ta forma parti di e organisacion ASIS Internacional cu ta rond henter mundo. Aña pasa nan a dicidi di lanta un chapter Caribe Hulandes, cual tin diferente miembro di Caribe. E directiva ta consisti di profesionalnan di siguridad como di Corsou y Aruba. A tene e prome reunion di e organisacion aki na Corsou aña pasa, di cual a dicidi cu e aña aki lo lansa localmente e organisacion na Aruba. E ta un Dutch Caribbean Chapter cu ta cubri tur e 6 islanan di Caribe Hulandes.
Pa forma parti di e organisacion di cual miembresia profesional ta forma parti di dje rond mundo, Aaron Antersijn, Security Consultant di Bossi Security Aruba y director di comision ASIS internacional, a expresa. Esaki ta e organisacion mas grandi na mundo y ta conta cu 35 mil miembro profesional den 135 pais. Loke cu kier haci cu Dutch Caribbean Chapter 304 ta pa percura cu tur siguridad di Aruba, Corsou, Boneiro, St. Maarten, Saba y St. Eustasius pa join e organisacion aki.
E organisacion aki ta yuda desaroyonan profesional door di duna cursonan, seminario, exposicionnan pero tambe tin tools hopi fuerte riba internet. Asina cu bira miembro ta haya acceso na tur tool, discucion online entre diferente siguridad profesional na mundo cu ta den mesun ramo pero na otro pais. Asina aki por share informacion, por busca informacion, nan por duna conseho y vice versa.
A lansa e chapter aki y a invita mayoria siguridad profesional via diferente sector manera sector financiero cu tabata bon representa. Tambe a conta cu presencia di algun profesional di e pilar di economia, esta industria hospitalidad, hendenan di gobierno, utilidad. Tur profesional di siguridad a bini hunto y esaki a haci cu e reunion tabata uno fructifero.
E intencion ta pa haci esaki bira mas grandi. Lo reuni 1 biaha den 2 luna y logicamente lo haci esaki riba diferente isla. Ya caba a tene 2 reunion na Corsou y awor na Aruba, el a expresa. Lo haci reunion na St. Maarten y no tur ora tur miembro por bay. Tambe lo bay haci uzo di tecnologia. Durante tur reunion semper lo tin un orador invita, kende por ta di gobierno, por ta un hende di sector priva, sector financiero, aviacion y etc..
Lo bay bin cu un conferencia internacional, unda cu ta pensa di haci uno e aña aki na Aruba como na Corsou pa nan bin cu oradornan di afo. Asina aki oradornan internacional como expertonan local por comparti informacion cu otro. E meta ta pa trece tur hunto pa combatimento y preveni criminalidad. E miho manera pa haci esey ta trece tur hende hunto riba e nivel aki pa por comparti informacion cu otro, comparti idea cu otro. Tambe traha riba ideanan pa cuminsa regula siguridad tanto na Aruba como e resto di islanan pa por hisa un tiki e nivel y e forma di por traha hunto unda tin un bon acuerdo riba secrecia di cierto cosnan.
Tur esey ta e meta di e organisacion, pero tambe educacion. Kiermen pa cuminsa cu educacion basico den siguridad te nivel di mas halto. Tambe pa bin cu un standard cu ta cumpli tanto na Aruba, Corsou, St. Maarten y henter Cariber Hulandes pa por tin e mesun nivel y standard di siguridad.