Dadelstraat, Mamoticastraat: Diamar algo pasa di 3’or di atardi, presencia di polis ta wordo pidi na un adres den Dadelstraat, pa un mucha homber hoben cu lo a maltrata y insulta su ruman muher, Un patruya di playa a bay pa atende cu e asistencia aki.
E ruman muher a yama polis y a bisa polis cu ta mane custumber caba cu su ruman homber ta maltrat’e, ta trata di un famia procedente di Haiti.
Na yegada polis no a topa cu e ruman homber ela bandona e cas, mesora a cuminsa busk’e den bisy seguindario di Dadelstraat y no mucho leu di nan cas den Mamoticastraat polia logra topa cu e ruman homber. Mesora a detene, mientras polis tabata detene e tabata papia palabranan hopi insulente y baho, un falta di respet pa autoridad.
Mesora a detene y a pidi pa transportwagen di polis pa transport’e pa warda di Polis na Oranjestad.
Autoridad a keda pendiente cu si e ruman muher lo dicidi di entrega keho di maltrato.Segun bisiña e hoben aki ta haci hopi problema den e bisindario y segun nan e ta un menasa pa e bario, hasta nan a menciona cu e lo sa arma. Ora polis a rist’e nan no a haye cu niun arma.
Despues cu transporta e hoben pa Warda di polis, e agentenan a dicidi di bay bek na e cas y e ruman muhe a compaña polis pa warda, pa aparentemente e haci un keho oficialmente contra su ruman homber, cu varios biaha a maltrat’e y ta insult’e hopi.
Ambos ruman ta biba na cas di nan mayornan, segun e ruman muher e biaha aki si cos a bay totalmente for di man y ela dicidi ta basta y pa e motibo aki, a pidi pa presencia di polis, pa asina polis caba cu e maltrato y insultonan cu e tin hopi tempo ta soportando di su ruman homber y asina trece trankilidad bek den nan hogar.