Sasaki – Dialuna anochi esnan den area di Tat Fat situa ariba Sasaki a tende un zonido fuerte. Algun minuut despues informacion a drenta cu un auto a bolter.
Mesora varios unidad di polis y tambe ambulance a cuminsa bay e area unda e accidente a sosode. Na yegada ta constata cu ta trata di tres dama den un Honda, cu a posiblemente door di velocidad halto a baha caminda parti pariba y bolter.
Un di nan tawata keha di poco dolor na curpa, pero nada grave. Ambulance mientrastanto tawata yegando pa atende cu nan.
Segun nan version, un auto lo a brake nan dilanti, causando cu nan a perde control y bolter banda rechts di caminda. Loke ta importante cu nan a sali ok di e accidente aki cu por tawata hopi serio mes, si ela dal contra un palo di luz.
Amulance a controla tur y nan tawata ok.