Minister encarga cu Turismo ta elogiando su mes pa e resultadonan di aña 2018 y ta considera nan resultado di su maneho nobo. Segun e Parlamentario di AVP, e maneho pa cu Turismo den e prome aña di gobernacion di MEP-POR-RED a keda identico na esun cu e gobierno di Miembro di Parlamento di e Fraccion di AVP, Jennifer Arends-Reyes, a tuma nota cu e signatura berde a laga atras, cu a enfoca mas riba affluent tourism cu tin un entrada di 125k USD of mas, specialmente dirigi ariba e mercado Norte Americano. Tanto e Masterplan pa Airport Gateway 2030 y e Portcity a cuminsa den e Gabinete anterior.
Durante transcurso di añanan a percura pa REVPAR subi substancialmente, door di strategianan dirigi di mercadeo, inversionnan cuantioso di hotelnan y cambionan consciente den maneho di destinacion. A eleva e calidad den training pa tur cu ta traha den e industria y percura pa Aruba ofrece mas cu solamente beach y solo pero un destinacion cu tin desaroyo, infrastructura, stabilidad y seguridad caminda cu e bishitante ta paga pa un experiencia pa conoce mas di nos cultura, naturalesa, historia y museonan. Un centro di ciudad renoba y alaves un upgrading completo di punta pa punta di e isla.
Parlamenario Jennifer Arends-Reyes ta contento di mira cu esfuersonan por ehempel haci durante e gobernacion anterior y varios aña atras cu na 2018 Aruba por a compensa pa varios cancelacion. Aña 2018 a cera como un aña record den volumen pa locual ta regarda turismo crucero. Locual ta e cantidad di pasaheronan pa 2018 ya dos aña adelanta caba a premira cu Aruba como destinacion lo por yega 800 mil pasahero mirando e reservacionnan haci y tambe e trabounan di dredging pa acomoda barconan mas nobo cu capacidad di pasahero mas grandi y tambe invitacion pa barconan nobo den e ‘need periods’ manera e Disney Cruise cu ta bishita Aruba den zomer desde 2017 cu tawatin berth reservation prome cu Gobierno di coalicion a drenta.
Sin e decisionnan aki haci durante gobierno di signatura di AVP lo tawata sumamente dificil pa yega na un cantidad di pasahero di 800 mil. A yega un cierto punto den 2018 cu Aruba a conoce varios cancelacionnan di barconan crucero, locual a salba y hasi posibel cu Aruba no a bay bou di 770 mil pasahero tawata cu varios linea crucero por ehempel, di Royal Caribbean Cruise Lines ta hayando e Freedom of the Seas en bez di e Adventure of the Seas y den e caso di Carnival ta hayando mas call di Carnival Horizon y Carnival Freedom cu ta barconan cu capacidad di 4 mil pasahero. Mester remarca cu specialmente e lineanan crucero di Carnival y Pullmantur a produci bon y a logra un 100% di ocupacion cu a logra pa Aruba alcansa su meta pa cu 2018. Locual ta trahando pa varios aña caba duro riba dj’e ta pa promove y tin tanto “Crew” como “Passenger incentive program” pa stimula e ‘on-island’ spend cu a aumenta cu 8.8% desde 2014/2015 y e ultimo BREA (Business Research and Economic Advisors) report di 2017/2018 e la yega na 121.94 USD. Tambe pa varios aña caba ta trahando di cerca cu e tour operators pa:
1. idealmente traha directamente cu e Cruise Lines y
2. Tour operator in general pa sigui mehora e experiencia y calidad di e tours y traha cu nan pa tin un “differentiated, branded & experiential approach” pa dunanan e oportunidad pa maximisa nan entrada y asina tambe afecta positivamente e on-island spend.
Ta asina cu e ora ey ta incorecto pa elogia un Minister cu ta pronkia cu pluma cu Task Forcenan hunto cu Gobierno anterior a traha riba dj’e. Pa locual ta regarda e REVPAR AHATA su boletin tawata hopi cla cu tanten cu e region ta recuperando di e horcan di 2017, Aruba lo por goza di un REVPAR y ADR mas halto mirando cu e cantidad di cambernan den region ta limita. Manera cu hotelnan nobo cuminsa habri bek den region despues di a ricibi un renovacion completo e ora ey lo por midi e REVPAR pa Aruba miho.
Locual ta e maneho y atencion pa cu e vitalidad, salud y salario di esunnan trahando den e industria di turismo, mester bisa cu den e Gobierno di MEP-POR-RED a keda falta, hasta tawata purba cobra impuesto riba tipsnan cu sigur ta keda un idea absurdo, asina Parlamentario Jennifer Arends-Reyes a termina bisando.