Urirama – Diabierna den oranan di merdia unidad di Brandweer y tambe polis a sali direccion Urirama, patras di Kapel di Alto Vista bay direccion pabou.
Den lama nan lo a haya un curpa si bida di un homber ta drief.
A resulta manera autoridadnan a pensa, tawata e homber cu un dia prome famia a bati alarma. Diahuebs laat anochi a cuminsa busca den area di costa norte, pero sin resultado.
Durante dia tambe por a mira Helicopter di Kustwacht tirando bista na rand di costa.
E homber aki lo tawata aparentemente depresivo y lo a bay cu no mucho bon intension area di costa norte.
Lamentablemente diabierna merdia, e curpa a wordo señala den area di Urirama.
Mesora unidadnan a coordina e trabou y cu ayudo di e Helicopter ta saca e curpa for di lama y pone ariba tera.
Poco poco famia y conocinan tawata yega na e sitio.
Despues di basta warda Dr Texier ta yega hunto cu personal di Slachtofferhulp na e sitio. Pa 4.55 dokter Texier a constata morto di Adrian Bastidas nasi na Colombia 28 juli 1968.
Aurora Funeral Home tawata esun encarga pa a transporta e curpa.
Nos kier a manda palabranan di forsa na e famia cu e caso lamentabel aki.