Home » Un berguensa total pa fraccion di AVP: Marlon Sneek no solamente no sa conta pero awor ta manipula cu video bieu tambe!

Un berguensa total pa fraccion di AVP: Marlon Sneek no solamente no sa conta pero awor ta manipula cu video bieu tambe!

by Admin
0 comment 77 views

“How stupid can you be”, esaki siguramente ta un frase cu ta aplicabel pa e lider di fraccion di AVP, Marlon Sneek kende den un conferencia di prensa recien a demostra un biaha mas con su odio y venganza contra e coalicion actual ta yegando te hasta na un locura total. Nos tur por corda  ainda con algun luna pasa sr. Sneek – kende a lubida su telraam na cas – a core bin grita den un conferencia di prensa bisando cu 39.000 x 6 = 2.4 miyon. Esaki siguramente ta un bunita rekensom cu e ex docente Sneek tabata siña su alumnonan na scol!

Awor el a bolbe demostra su bobedad relaciona cu henter e polemica y crisis na Venezuela caminda el a declara cu Minister President Evelyn Wever-Croes y henter e comitiva di departamentonan gubernamental no a bisa net nada tocante e crisis aki den e reunion publico recien cu a tuma lugar den sala di parlamento.

Alavez sr. Sneek a declara di a tuma nota di un noticia cu a pasa e siman aki na e canal oficial di gobierno Venezolano, esta Televen y sr. Sneek a laga pasa e grabacion di video con e gobierno Venezolano ta mira den direccion di e islanan Aruba y Corsou debi na e echo cu nos tin un base militar, esta Marinierskazerne y nan ta sinti cu di parti di e base aki intentonan ta ser haci pa ataca Venezuela militarmente. Den e grabacion aki por mira y tende con e diputado di e Asamblea Nacional Constituyente, sr. Carreño a haci cierto expresionnan hopi fuerte contra Hulanda y e islanan Aruba y Corsou relaciona cu e supuesto atakenan aki.

 

Pero sr. Sneek den su ignorancia a presenta e grabacion di video cu ta data for di aña pasa, esta 15 di maart 2018, esta tempo cu tabata tin e conflicto relaciona cu ceramento di frontera entre Venezuela y e islanan Hulandes. Pues conscientemente of inconscientemente sr. Sneek a bolbe bin cu su informacionnan bieu (outdated) y p’asina trata di manipula mente di pueblo. Pero poco poco pueblo mes ta sinti cu e charlatan politico aki no ta di confia cu su informacionnan y su persona ya ta birando un berguensa total pa su fraccion di AVP den Parlamento.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio