Chauffeur a haya basta mokete despues di a mata un cacho accidentalmente, e agresor a keda deteni

Na yegada nan a papia cu esnan envolvi, segun nos a compronde, e agentenan lo mester a bay na dos adres. Un caminda un muhe cu a wordo maltrata ta biba y e otro unda e doñonan di e cacho ta biba.

Loke a pasa ta lo siguiente: E victima a pasa cu su auto ariba un cacho y e cacho a fayece. Segun e dama chauffeur esaki tawata un accidente, cu segun su persona no ta pa malo, ela pasa cu su auto ariba e cacho.

E asunto no a keda asina. Algun minuut despues cu esaki a sosode, e doño di e cacho, kende tawata hopi tristo y rabia alabes, a bay na e auto, a habri e porta di auto y a cuminsa manda mokete ariba e dama chauffeur.

E cacho cu tawata un cacho crioyo y pa su mala suerte tawata drumi ariba caya net na e momento cu e chauffeur tawata pasando. Maske ley di cacho ta bisa cu bo cacho mester ta den bo cura, e cacho no por pensa pa su mes di keda den cura, hopi biaha cachonan crioyo ta gusta nan libertad di cana riba caya, esaki ta un di e consecuencianan tristo cu nan por wordo gedal cu auto.

E doño di e cacho tawata hopi emocional y mirando su casa yorando hopi pa nan cacho stima cu a caba di muri, den su desesperacion, sin por a pensa clay  cu emocionnan halto a actua di e forma aki, di a bay dal e chauffeur.

Mirando cu e homber a comete maltrato ela wordo deteni y hiba warda.

Na e sitio nos a compronde cu e dama chauffeur a bay Poli y lo pidi un papel di Dokter pa bay warda di recherche y entrega keho contra di e homber.