Oranjestad – Diasabra marduga despues cu polisnan a detene un homber, a sinta e problema di e vehiculo cu ta keda atras.
Agentenan policial diariamente ta hayanan confronta cu e problema aki, esta cu ta pidi takelwagen pa un motibo of otro. Pero na e mesun un momento nan ta puntranan bek, “Boso tin luga pa pone e auto ey?”.
Actualmente na Aruba no tin un pidi espacio habri na un warda di polis pa pone ni un Scooter, mucho menos un auto.
E situacion aki no solamente ta hacie dificil pa e agente policial ariba caya haci su trabou eficientemente, pero ta demotivanan tambe.
Autonan cu no por ta ariba caya at all, mester laganan bay.
Ta dunanan un boet y ta cla, pero nan ta keda ariba caya, y si nan causa un accidente e otro partido cu si tin tur papelnan na ordo ta sali perhudica. Algun dia pasa, durante control di trafico na Santa Cruz masha hopi auto a wordo controla, hopi no por ta ariba caminda, pero kiko haci ? Ta di laganan sigui pa so no tin luga niun caminda. Mayoria di e autonan aki no tawata tin Keurings Kaart na ordo.
Diasabra marduga na Fantastic Garden agentenan policial tawata man na cabes despues cu a detene un homber cu a menasa su pareha cu morto y a bati e.
Pakiko? Pa e motibo cu e auto un Nissan March di e homber cu a keda atras no tin luga na niun warda pa e bay, y e ta un auto cu mester haci mas investigacion ariba dje.
E otro problema cu tambe ta cay pa e agentenan, si algo pasa e vehiculo kita di e persona, ta nan lo ta e promenan pa wordo yama.
Cuerpo policial hunto cu Minister di Husticia y nos ta pensa D.O.W tambe, lo mester sinta na mesa y busca un area grandi pa cera, pa hiba tur vehiculo kita di caminda.
Otro opcion ta, vehiculonan cu tin X tempo benta na wardanan di polis haci algo cu nan, busca un machine di placha auto y ta asina bo ta resolve e problema di espacio aki pa semper.
Otro solucion haci un veiling dag (Findishi) y tur esaki ta placa extra pa Cuerpo Policial mes, y bo ta crea espacio. Claro mester pone tur cos ariba papel prome.
Solucion tin, boluntad mester.