Santa Cruz – Diamars merdia pa atardi por a mira hopi polis ariba Green Corridor altura di e Rooi di Barcadera teniendo un control di trafico.
Di leu automobilistanan no por a desvia pa ningun caminda, bo mester pasa unda nan ta, y si bo papelnan no ta na ordo mas cu claro bo lo haya boet.
Tawata un total cu 7 agente policial, cada un mester a sera 15 boet.
Hopi boet a wordo parti, y esaki tawata mas tanto pa Keurings Kaart. Hopi auto ariba caminda no ta gekeur.
Ningun auto a wordo kita
Polisnan tawata parti boet, pero remarkabel tawata cu tur auto tawata sigui nan caminda normal, aunke tawata tin cosnan cu no ta ordo ariba e auto.
E motibo tawata cu, no tin caminda pa pone ni 1 auto mas na e wardanan di polis.
Tur ta yen yen.
Te cu den oranan di anochi algo prome cu 7:30 p.m, un total di 139 auto a wordo controla y 49 boet duna.
Mayoria di e boetnan tawata pa falta cu e Keurings Kaartnan cu no tawata na ordo.
Pues awor bo sa, zorg pa tur papel ta na ordo y esey ta conta pa keurings kaart tambe.