E protocol di RST ta un protocol cu e meta pa hunto como paisnan den Reino combati crimen transnacional. E topico aki a wordo debati riba dje pa lunanan largo, mirando cu pais Aruba (Gobierno y Parlamento) tawatin algun punto di preocupacion.
PUNTONAN DI SALIDA
E protocol actual ta tene cuenta cu e constelacion di estado di Aruba, manera ancra den nos Statuut. Tambe e ta respeta e ordenansanan nacional, e autoridad y tareanan di Cuerpo Policial y Ministerio Publico.
COMISHON ASUNTONAN HUDICIAL
Ta di aprecia y respeta e manera con Minister di Husticia a atende e aspecto aki. Na diferente ocasion a reuni cu Minister pa asina yega na e mihor producto. Adicional Minister a accentua cu a incorpora un acuerdo di disputa den e protocol y tambe Aruba por termina e protocol na tur momento.
PA CONCLUI
Parlamento di Aruba a reuni tambe cu Sindicato di Polis pa scucha nan preocupacionnan. Y nan preocupacion a wordo teni cuenta cun’e den e carta cu e comishon a manda awe pa Minister di Husticia. Banda di eski tin un otro carta di Minister di Husticia cu ta enfatisa cu e protocol aki no lo perhudica posicion huridico di ningun empleado di Cuerpo Policial.