Home Sports Brazil Taekwondo Stichting ta bay scoge su atleta di aña 2018 den...

Brazil Taekwondo Stichting ta bay scoge su atleta di aña 2018 den Centro di Bario Brazil

 
Diamars dia 11 di December Brazil Taekwondo Stichting ta bay scoge su Atleta di Aña 2018 durante e Cena di Pasco. Brazil Taekwondo Stichting ta mira atras ariba un aña unda cu e atletanan a representa Aruba den varios campeonato internacional y nacional. Brazil Taekwondo Stichting a logra varios biahe cu ayudo di Fundacion Lotto pa Deporte y cu fondonan di car wash, campeonato y benta di kalender. Sin recauda fondo ta bira imposibel pa Brazil Taekwondo Stichting por logra su metanan pa su atletanan di e team di “Train Hard Fight Smart” 
Tur aña prensa ta presente na e Cena di Pasco di Brazil Taekwondo Stichting y ta mira e slide show traha pa Ivan Jansen di Noord Taekwondo Center. 
 
E aña aki lo scoge atletanan cu a destaca nacional, internacional y Rookie di aña 2018. 
E plan pa aña 2019 ta mas grandi y ta wordo plania luna pa luna, mirando tur e retonan cu tin y cu tur evento ta acopla na otro y ta depende di e resultado di cada evento.