Oranjestad, Diadomingo dia 18 di november Positive Foundation a organisa un tremendo concierto di Gospel ‘Aruba bo ta bendiciona’ II, den Cas di Cultura.
Presidente di Positive Foundation, Glen Penniston su vision ‘Aruba bo ta bendiciona’ ta pa tur cuidadano di Aruba realisa cu nos ta biba riba un isla maraviyoso y realisa tambe con bendiciona cada un di nos ta.
Mesuncos cu aña pasa Positive Foundation a invita hende grandinan di varios Cas pa hende grandi bin presencia e concierto di gospel. Esaki ta pa laga nos hende grandinan sa cu Aruba ta aprecia nan y cu cada un di nan ta un bendicion pa nos isla. Nos hende grandinan di Cas Ambiente Felis, Biba Bou Guia, Huize Maris Stella, Stichting Cas Cristelle, Stichting Michael Paviljoen, Stichting Thuiszorg Aruba y SABA Centro di Cuido San Nicolas a gosa inmensamente di ‘Aruba bo ta bendiciona’ II.
E publico en general tambe a gosa tremendamente di e cancionnan di Junior Garcia, Ezequiel Antony, Shannon Bueno, Abril Morales, Rocco Franken, Hilyann Croes, Angelique Klooster cu a bini di Curaçao, Eltienne Yarzagaray y e artista invita Willy Rodriquez directamente for di Hulanda.
Pa haci e concierto di gospel ‘Aruba bo ta bendiciona’ II un realidad varios instancia y compania a partner cu Positive Foundation. Pa e motibo aki Positive Foundation ta yama danki na su partnernan Aruba Bank, Aruba Store, Aruba Tourism Authority, Bougainville Car Rental, De Palm Tours, Digicel Aruba, Do it Center (Shaba), La Cabana, Gallo Rojo, Grant Thornton (PwC), Hitess N.V., Hyatt Regency Aruba, La Cabana, Ling & Sons, Print Shop, Revan Enterprises, Ruth’s Cakes, Setar, Simon Andrade Group, Star Enterprises, Stichting Funari, The Perfect Team, Talk of the Town, Total Finance y Zeerovers.
Un danki special ta bai na henter e team di High Performance y specialmente pa Ko Fung Ho y Ramon Montesinos pa e tremendo efecto special di luz y sonido. Ademas Positive Foundation kier a manda un palabra di gratitud na Pastor Theo Orman, Ruben Garcia, Ivan Kelie Jr., Radio 91.5 Sobrenatural y Radio 101.7 Power FM pa nan excelente cooperacion. Un danki grandi ta bai na pueblo di Aruba, cu un bez mas a bin presencia e concierto di gospel ‘Aruba bo ta bendiciona’ II.
Positive Foundation ta gradici cada un di e artistanan Junior Garcia, Ezequiel Antony, Shannon Bueno, Abril Morales, Rocco Franken, Hilyann croes, Angelique Klooster, Eltienne Yarzagaray y Willy Rodriquez. Tambe un danki a bai na e integrantenan di e banda di Junior Garcia, e banda di Shannon Bueno y United Melodies. Un palabra di gratitud pa tur e boluntarionan cu a yuda tremendamente pa a haci e concierto di ‘Aruba bo ta bendiciona’ II un exito.
Positive Foundation ta gradici tur e partnernan ariba menciona di curason y ta spera di por sigui conta cu nan sosten pa otro aña tambe. Aruba keda pendiente pa otro ‘Aruba bo ta bendiciona’ III mas spectacular den 2019.