Oranjestad – Recien, Renaissance Convention Center a keda decora den estilo di ‘Pirates of the Caribbean’, na honor di miembronan di ekipo di Aruba Tourism Authority. Esaki, pa celebra aniversario di 21 miembronan di e ekipo cu hunto a celebra 220 aña di servicio. Esaki ta e di dos edicion unda A.T.A. ta celebra aniversario di su miembronan di ekipo desde cu Oficina di Turismo a comberti den un compania ‘Sui Generis’.
CEO di A.T.A. Ronella Tjin Asjoe-Croes a habri e anochi ameno cu palabranan di elogio y aprecio pa e ekipo di A.T.A. expresando cu sin nos hendenan A.T.A. simplemente no por contribui di es manera cu e ta haci na turismo di Aruba. Tambe a añadi cu sin esfuerso di A.T.A. no lo a mira exitonan cu nos a conoce den nos turismo durante e ultimo añanan. Cada miembro di e ekipo ta aporta na e exito di e compania y na e bienestar di nos industria turistico. Ademas, a expresa un palabra di danki tambe na famianan di e nominadonan pa nan aporte y sosten.
Despues di e apertura, cada nominado di aniversario di A.T.A. a wordo presenta pa un clip cortico di nan persona, unda un otro colega a bisa algo balioso di nan, haciendo e nominado un tesoro pa A.T.A.
CEO di A.T.A. a entrega na cada nominado un aprecio personalisa den forma di un pendant cu e logo oficial di Aruba imprimi.
Esnan cu a keda honra pa 5 aña di servicio ta: Nataly Arends – Marylin Feliciana – Ilka Figaroa-Lacle – Marouska Heyliger – Sanju Luidens-Daryanani – Anita Rattan-Persaud – Darice Solognier – IshaTapias-Kock – Jontsje Tilma – Ronella Tjin Asjoe-Croes – Maas van Drie y Dyane Vis-Escalona.
Pa 10 aña di servicio a keda honra Jonathan Boekhoudt y Darline de Cuba.
Pa 15 aña di servicio a keda honra Mario Arends – Sjeidy Dijkhoff-Feliciano – Rayon Koolman y Yuraima Solognier.
Pa 20 aña di servicio a keda honra Maureen Gomes-Werleman y mientras pa 25 aña a keda honra Amayra Boekhoudt.
Finalmente, Theo de Jongh a keda honra pa 35 aña di servicio.
Riba e potret adhunto por mira e ekipo di A.T.A. durante e anochi ameno, celebrando nan aniversario.