Home » Recientemente durante Cena di Dia di DANKI di Aruba One Happy Island Lions Club cu a tuma lugar na DC9 Zone na Santa Cruz, club a reconoce Sra Lupita Gil como boluntario di aña 2018

Recientemente durante Cena di Dia di DANKI di Aruba One Happy Island Lions Club cu a tuma lugar na DC9 Zone na Santa Cruz, club a reconoce Sra Lupita Gil como boluntario di aña 2018

by Admin
0 comment 55 views

Lupita a studia den anjanan 70 na Breda, Hulanda y durante su estudio e la wordo concientisa di e balor y importancia di trabou boluntario. Despues di su estudio Lupita a regresa Aruba y dedica su carera profecional trahando tanto pa departamentonan gobernamental como
organisacionnan social y cultural. Organisacionnan manera Unoca, ATHA, CEDEM, SEPA y Archivo National pa conserva nos herencia cultural y historia oral.

Alabez Lupita tawata y ainda ta miembro di diferente organisacionnan y ta dedica su tempo pa concientisa comunidad di Noord y Aruba en general di e importancia di trabou boluntario.

Un di e trabounan importante cu actualmente Lupita ta haciendo den ramo di trabou boluntario ta organisa encuantronan social den bario di Noord. Conhunto cu un grupo di boluntarionan nan ta organisa actividadnan social, cultural y educativo pa un grupo grandi di
personanan di edad den Bario di Noord.

Meta principal di e actividadnan aki ta crea encuentronan unda personanan di edad halto por encontra otro den un ambiente placentero pa asina por crea amistadnan nobo, conserva y grandese amistadnan existente y indirectamente combati isolacion di grandinan den bario y tambe mantene historianan oral di antes bibo.

Lupita ta di opinion cu trabou boluntario no solamente ta importante pa un comunidad como Aruba pero tambe ta refleha nos estado di conciencia. Nos como comunidad mester refleha e abilidad cu nos ta un comunidad cu empatia y semper kla pa juda otro. Trabou boluntario no ta facil y no tin pago pero e gratitud di e persona cu ta ricibi esaki hopi bes ta grandi y bo ta wordo
paga cu un aprecio y sonrisa.

Lupita su conseho na nos como boluntario di Aruba One Happy Island Lions Club ta :

– Traha responsabel
– Tuma iniciativa
– Traha cu passion y curason
– Semper keda respetoso
– Tuma trabou boluntario na serio paso e impacto ta grandi
Si tuma tur e consehonan aki na pecho, nos como boluntarionan por haci un diferencia!!!

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio