64
Diabierna anochi e directiva di Brazil Taekwondo Stichting a reuni na Centro di Bario Brazil pa pone tur e puntonan ariba un rij pa Best of the Best Taekwondo Challenge cu ta diasabra dia 17 di November. A sinta cu Sr. Chico Harms di Centro di Bario Brazil pa asina defeni tur cos cu ta bay tuma luga, mirando cu e aña aki e Best of the Best tin mas participante compara cu aña 2017.
Pa organisa cualkier evento tin su retonan y planeamento y si bo no haci esakinan na tempo lo bo keda pega. E gastonan ta hopi halto ora cu ta un evento Internacional y mester cubri e gastonan di algun personage di e evento.
Den Brazil Taekwondo Stichting semper ta discuti ariba tur cos cu tin pa asina tur miembro ta na altura di tur cos. E colornan di e banchi pa prensa, atleta y entrada a wordo escogi. E taakverdeling a wordo haci pa asina e siman aki tur hende sa kiko tur nan mester haci. Brazil Taekwondo Stichting kier pa e Best of the Best di 2018 ta uno cu tur hende por gosa di peleanan di nivel, cushina y bar bon surti y mas importante pa Prensa por sinti nan mes na cas sin cu niun hende ta den nan caminda. Prensa ta bay ta central den Best of the Best buscando e focus den nan lens pa saca e Best Shot.
Famia Song di DEADO ta yega Aruba diamars for di San Francisco y ta bay hospeda na The Ritz Carlton Aruba.
Nos ta bay haci uso di e ultimo update di e Generation G2 den Best of the Best.