Fraccion di POR ta felicita y gradici Xander Bogaerts pa e tremendo logronan y exposure pa nos isla

Miembronan di Fraccion di POR, Marisol Lopez-Tromp y Alan Howell ta uni nan mes na resto di comunidad Arubiano pa felicita y gradici Xander Bogaerts pa e tremendo logronan y exposure pa nos isla Aruba.
No ta algo di awo, pero specialmente for di algun siman atras, ora Boston Red Sox tabata un di e cuatro ekiponan cu lo por a yega na final di World Series, Xander su number y esun di Aruba a haya extra exposure riba nivelnan internacional. Ora e ekipo a pasa pa final y diadomingo a bay cu e titulo di campeon, e exposure aki a bira algo hopi grandi mes. E logro aki sin duda algun a bin danki na un gran sacrificio, esfuerso y disciplina y awe tanto Xander, su famia, amigonan y Aruba henter por wak e soño aki bira realidad pa di dos biaha den 5 aña. Corda cu na 2013 Xander tambe a logra su renchi cu Red Sox ora nan a gana e World Series.
Marisol y Alan a expresa cu hopi orguyo cu nan ta felicita y gradici Xander pa e gran trabou haci y e super exposure cu e ta dunando nos dushi Aruba riba nivel mundial.