ORANJESTAD – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina empleadonan ehemplar tur luna. E empleadonan cu ta scogi ta esunnan cu durante di e luna a haci nan maximo esfuerso pa brinda momentonan superior na tur esunnan cu bishita Aruba Bank of haci uzo di un manera of otro di un servicio di banco. Rachel Mak ta e empleado cu a ser selecciona durante di luna di October.
Sra.Rachel Mak, Senior Retail Representative, ta percura pa su servicio superior ta uno cu lo refleha den e resultado final di su trabou den e organisacion. Su profesionalismo y amabilidad pa yuda cada cliente durante tur proceso for di habri un cuenta of aplica pa un prestamo, ta e motibo di su nombracion.
Aruba Bank ta felicita y gradici Rachel Mak.