75
San Nicolas: Awe nochi pa 8’or central di polis ta haya ta un yamada cu un rato pasa un caso di tiramento a tuma lugar na altura di Julio’s Bar na San Nicolas.
Patruya di San Nicolas ta yega na e sitio di e sucedido y a pidi ambulane cu urgencia. Ambulance a jega na e sitio y a trata e victima pero lamentablemente no por a haci nada pa e victima. Pa 8:50 dr.Britt- Croes ta constata morto di e victima masculino cu inicial H. Girigorie naci dia 21 december 1985 na Aruba.
Recherche a jega na e sitio y tuma e investigacion over. Polis technico a yega na e sitio pa hasi nan investigacion tambe. Slachtofferhulp a wordo pidi pa asina papia cu e famia di e victima y asistinan. Fiscal a laga tuma e curpa den beslag.
Polis ta pidi ken cu a wak of sa algo yama tiplijn di polis cu ta 11141.