Parlamentario di Fraccion AVP Michael Lampe tabata presente na e congreso di Arte ta Tarima, unda cu a celebra e 100 aña di servicio cultural y artistico pa Aruba. E ta un honor pa cuminsa cu un celebracion grandi di cultura. Cultura semper ta hunga un rol hopi importante den cualkier comunidad y cualkier pais. E ta e desaroyonan principal cu ta pasa atraves di cultura.
A invita Lampe no solamente como Parlamentario pero tambe como Datapanik pa forma parti di e congreso aki. Parlamentario Lampe tabata un di e oradornan. El a papia riba e importancia di nos identidad, nos cultura y e sector creativo cu tin desaroyo di comunidad. E celebracion a cuminsa cu un congreso di Cas di Cultura.
E congreso a cuminsa mainta y bay te cu 4:00pm, unda tabatin diferente invitado, cu a bin for di Boneiro y diferente area di Merca. E invitadonan a papia riba e importancia di esaki. Cas di Cultura cu a haci 60 aña ta algo hopi grandi y Departamento di Cultura cu a cumpli 40 aña. Total a celebra 100 aña di servicio cultural y p’e Parlamentario tabata un honor di tabata presente y forma parti. El a duna su aporte na esaki via su musica cu e ta haciendo esaki pa hopi aña y siguramente duna su conocemento den e area di desaroyo cultural y e sector creativo.
Parlamentario Lampe ta trahando pa basta tempo caba riba e parti pa trece cultura bek specialmente entre e hobennan. E ta den e posicion di ta representando pueblo den Parlamento y e punto aki ta birando cada bes mas skerpi y ta desaroyando hopi mas.
Aki na Aruba mester compronde cada bes mas kico ta nos elementonan cu ta duna nos e identidad Arubiano, kico ta e elementonan cu ta haci nos cultura grandi. Hopi aña door di industrianan y influencianan eyfo, ta haya cu cultura ta keda crece y cambia. A yega e momento pa cuminsa identifica kico e ta p’e sentimento cultura di nos mes, e autenticidad cu tin, e posibilidad cu tin y con por stimula esaki. Atraves di proyectonan na scol, artistanan, musiconan cu ta haci esaki di nan banda. Tambe tin e otro banda cu ta e entrepreneurs, e profesionalnan hoben, e combinacion aki ta e “creative industry”.
E ta asina importante pa Aruba por bay diversifica un economia cu ta basa su riba experencia cultural. E experencia, manera di turismo, ta busca mas y mas di kico ta haci nos autentico. Durante e congreso e Parlamentario a papia riba e topico aki, unda el a splica riba e importancia di e balornan y rikesa cu tin na elementonan di Aruba. Nos a haya esakinan tempo nos tabata chikito y kico ta e elementonan cu por uza awo den e mundo mas moderno pero cu ta keda duna balor na tradicion, historia. Tur esaki den un contexto mas nobo, den un contexto mas moderno cual e Parlamentario a haci cu su musica. Tin yen proyecto na caminda.
Pa otro aña riba iniciativa propio pa stimula esaki, yuda stimula muchanan, yuda stimula hobennan profesional, yuda stimula comunidad pa nan ta mas consciente kico e elementonan aki ta. Tambe pa stimula un rikesa cu Aruba tin cu ta haci nos unico y ta forma nos identidad como Aruba.