E ocurencia di Stroke na Aruba ta sigui aumenta y edad di esnan cu ta sufri un derame celebral ta cada bez mas abou.
Un derame cerebral (Stroke) ta pasa ora e suministro di sanger pa parti di e cerebro wordu interrumpi. Sin sanger, e celnan den cerebro por wordu daña of por muri. E daño aki por tin diferente efecto, dependiendo cua parti di e cerebro ta keda sin ricibi sanger y nutrientenan. E ta afecta e curpa, mobilidad, habla y tambe e manera di pensa y sinti di e persona cu a haña un atake cerebral.
Derame cerebral (Stroke) ta e causa principal di morto y disabilidad globalmente. Derame cerebral (Stroke) por pasa cu ken cu ta y na cualkier edad.
Derame cerebral (Stroke) ta PREVENIBEL.
Pa concientisa pueblo Fundacion C.V.A. Aruba ta organisa un Congreso : “Stroke, Y Awo ? “ dia 27 di October proximo.
E Congreso aki lo tuma lugar na Ocassions di 08:30 pa 16:00 y ta inclui un lunch. Prijs pa entrada ta fl 75,00.
Pa mas informacion y Carchi, por tuma contact cu Fundacion CVA Aruba na number di cellular 567 7004 of 733 0270.